प्राकृतिक उपचारहरू हजारौं वर्षदेखि मानव सभ्यताले अँगाल्दै आएको सत्य हो। त्यसमध्ये एक सस्तो, सजिलो र शक्तिशाली औषधीय उपहार हो  मेथी ।
प्रत्येक बिहान भिजाइएको मेथीको दाना सेवन गर्नु भनेको आफ्नै स्वास्थ्यमा अमूल्य लगानी गर्नु जस्तै हो। यसमा लुकेको छ रोगसँग लड्ने अचुक शक्ति, जसले निम्न असरदार लाभ दिन सक्छ:

१. मधुमेह (सुगर) जडैदेखि नियन्त्रणमा ल्याउँछ - मेथीमा पाइने घुलनशील तत्त्वहरूले रगतमा चिनीको मात्रा नियन्त्रण गर्न मद्दत गर्छ। दैनिक खाली पेटमा भिजाइएको मेथीको पानी पिउँदा मधुमेह नियन्त्रणमा रहन्छ र इन्सुलिनको काम प्रभावकारी हुन्छ ।

२. मिर्गौलाको ढुंगा (पथरी) गलाउने चमत्कारी शक्ति-  मेथीको नियमित सेवनले मूत्र प्रणाली सफा राख्न सहयोग गर्छ । यसले पथरी बन्ने सम्भावना घटाउँछ र पहिले बनिसकेको पथरीलाई बिस्तारै गलाउने काम गर्दछ।

३. उच्च वा न्यून रक्तचाप सन्तुलनमा राख्छ - यसमा पाइने पोटासियम, म्याग्नेसियम र फाइबरले रक्तनलीहरूलाई स्वस्थ राख्छ। यसले रगतको प्रवाहलाई सहज बनाउँछ र रक्तचाप सन्तुलनमा राख्न भूमिका खेल्छ ।

४. मोटोपन घटाउने सहज उपाय- मेथीले पाचन शक्ति बलियो बनाउँछ, शरीरमा बोसो जम्नबाट रोक्छ, र भोकको मात्रा पनि घटाउँछ। जसले गर्दा बिनाधेरै प्रयास, तौल कम गर्न चाहनेहरूलाई मेथी निकै लाभदायक हुन्छ ।

५. गाठिया र जोर्नीका पीडामा राहत -  यसमा हुने एन्टी–इन्फ्लेमेटरी तत्त्वहरूले जोर्नीको सुजन घटाउँछ, दुखाइ कम गर्छ। नियमित सेवनले बाथ, गाठिया, घुँडाको समस्या भएका व्यक्तिहरूलाई आश्चर्यजनक राहत दिन सक्छ।

🥣 सेवन विधि: राति सुत्नु अघि एक चम्चा मेथीको दाना पानीमा भिजाउनुहोस्। बिहान उठेर त्यो पानी पिउनुहोस् र बचेको दाना चपाएर खानुहोस्। यदि स्वाद मन नपरेको खण्डमा अलिकति मह पनि थप्न सकिन्छ ।

🌱 याद रहोस् — सस्तो, घरेलु, र प्राकृतिक भए पनि यसको असर गहिरो छ। मेथी नियमित रूपमा सेवन गर्नाले तपाईंको जीवनशैली नै परिवर्तन हुन सक्छ । स्वास्थ्यमा परिवर्तन चाहनुहुन्छ भने, यसको सुरु तपाईं आजै गर्न सक्नुहुन्छ ।
स्रोत -सामाजिक सञ्जाल