"कछुवा र खरायो" को कथा नयाँ तरिकाले - त्यो कथा जुन तपाईंले सुन्नुभएको छैन ,
साथीहरू, तपाईंले कछुवा र खरायोको कथा पक्कै पनि सुन्नुभएको होला । सम्झाउनको लागि, यहाँ छोटोमा बताउँछु:
एकपटक खरायोलाई आफ्नो छिटो दौडने क्षमतामा घमण्ड भयो र उसले जसलाई भेट्यो, उसलाई दौडको लागि चुनौती दिइरहन्थ्यो।
कछुवाले उसको चुनौती स्वीकार गर्यो। दौड सुरु भयो।
खरायो निकै छिटो कुद्यो र धेरै अगाडि पुगेपछि पछाडि फर्केर हेर्‍यो। कछुवा कतै देखिँदैनथ्यो। उसले मनमनै सोच्यो कि कछुवालाई यहाँसम्म आउन धेरै समय लाग्छ, त्यसैले केही बेर आराम गरौँ। ऊ एउटा रुखको मुनि पल्टियो। पल्टेको पल्ट्यै कहिले निदायो, पत्तै पाएन।
उता, कछुवा बिस्तारै तर लगातार हिँडिरह्यो। धेरै बेरपछि जब खरायोको आँखा खुल्यो, कछुवा जित्ने रेखामा पुग्नै लागेको थियो। खरायो हतारिएर कुद्यो, तर तबसम्म धेरै ढिलो भइसकेको थियो र कछुवा दौड जित्यो।
कथाको शिक्षा: बिस्तारै र लगातार हिँड्नेले दौड जित्छ ।
यो कथा त हामी सबैलाई थाहा छ, अब अगाडिको कथा हेरौँ:
दौड हारेपछि खरायो निराश भयो। उसले आफ्नो हारमाथि विचार गर्यो र बुझ्यो कि ऊ अति आत्मविश्वासी (over-confident) भएकोले हार्यो। उसले आफ्नो गन्तव्यमा पुगेर मात्र रोकिनुपर्थ्यो।
अर्को दिन उसले फेरि कछुवालाई दौडको चुनौती दियो। पहिलो दौड जितेर आत्मविश्वासले भरिएको कछुवाले तुरुन्तै चुनौती स्वीकार गर्यो।
दौड सुरु भयो। यसपटक खरायो नरोकीकन अन्तिमसम्म दौडिरह्यो र कछुवालाई धेरै ठूलो अन्तरले हरायो।
कथाको शिक्षा: छिटो र निरन्तरता भएको व्यक्तिले सधैँ बिस्तारै र निरन्तरता भएको व्यक्तिलाई जित्छ।
अर्थात्, बिस्तारै र निरन्तरता हुनु राम्रो हो, तर छिटो र निरन्तरता हुनु अझ राम्रो हो।
उदाहरणका लागि, यदि कुनै कार्यालयमा यी दुई प्रकारका मानिसहरू छन् भने, उनीहरू धेरै छिटो अगाडि बढ्छन् जो छिटो पनि छन् र आफ्नो क्षेत्रमा निरन्तरता पनि दिन्छन्।
कथा अझै बाँकी छ..
यसपटक कछुवाले केही सोच्यो र यो कुरा बुझ्यो कि अहिले जसरी दौड भइरहेको छ, उसले यसरी कहिल्यै जित्न सक्दैन।
उसले फेरि एकपटक खरायोलाई नयाँ दौडको लागि चुनौती दियो, तर यसपटक दौडको बाटो आफ्नो अनुसार बनाउने भन्यो। खरायो तयार भयो।
दौड सुरु भयो। खरायो छिटो गरी तोकिएको ठाउँतर्फ कुद्यो, तर त्यो बाटोमा एउटा तेज बगिरहेको खोला थियो। बेसहारा खरायो त्यहीँ रोकिनुपर्‍यो। कछुवा बिस्तारै हिँड्दै त्यहाँ पुग्यो, सजिलै खोला पार गर्‍यो र लक्ष्यमा पुगेर दौड जित्यो।
कथाको शिक्षा: आफ्नो मुख्य क्षमताहरू (core competencies) चिन्नुहोस् र त्यसैअनुसार काम गर्नुहोस् ताकि सफल हुन सकियोस्। पहिले आफ्नो शक्तिहरू (strengths) चिन्नुहोस् र त्यसैअनुसार काम गर्नुहोस्, जीत अवश्य मिल्छ।
उदाहरणका लागि, यदि तपाईं एक राम्रो वक्ता हुनुहुन्छ भने, तपाईंले त्यस्ता अवसरहरू लिनुपर्छ जहाँ सार्वजनिक बोल्ने मौका मिल्छ। यसो गरेर तपाईं आफ्नो संगठनमा छिटो अगाडि बढ्न सक्नुहुन्छ।
कथा अझै पनि बाँकी छ..
यी सबै दौडहरूपछि अब कछुवा र खरायो राम्रा साथी बनिसकेका थिए र एक-अर्काको शक्ति र कमजोरी बुझ्न थालेका थिए। दुवैले मिलेर विचार गरे कि यदि हामीले एक-अर्कालाई साथ दियौँ भने कुनै पनि दौड सजिलै जित्न सक्छौँ।
त्यसैले दुवैले अन्तिम दौड फेरि एकपटक मिलेर दौडने निर्णय गरे, तर यसपटक प्रतियोगीको रूपमा होइन, एक टोलीको रूपमा काम गर्ने निश्चय गरे।
दुवै सुरु गर्ने रेखामा उभिए.... गेट सेट गो.... र तुरुन्तै खरायोले कछुवालाई आफ्नो माथि उचाल्यो र छिटो दौडन थाल्यो। दुवै चाँडै खोलाको किनारमा पुगे। अब कछुवाको पालो थियो, कछुवाले खरायोलाई आफ्नो पिठ्युँमा राख्यो र दुवैले सजिलै खोला पार गरे। अब फेरि एकपटक खरायोले कछुवालाई उचाल्यो र अन्तिम रेखातर्फ दौडियो। दुवैले मिलेर रेकर्ड समयमा दौड पूरा गरे। दुवै धेरै खुसी र सन्तुष्ट थिए, आजभन्दा पहिले कुनै पनि दौड जितेर उनीहरूलाई यति खुसी मिलेको थिएन।
कथाको शिक्षा: टोलीमा मिलेर काम गर्नु सधैँ व्यक्तिगत प्रदर्शनभन्दा राम्रो हुन्छ।
व्यक्तिगत रूपमा तपाईं जतिसुकै राम्रो कलाकार भए पनि, एक्लै दममा हरेक खेल जित्न सकिँदैन।
यदि तपाईंले लगातार जित्न चाहनुहुन्छ भने, तपाईंले टोलीमा काम गर्न सिक्नुपर्छ, तपाईंले आफ्नो क्षमताबाहेक अरूको शक्तिको बारेमा पनि बुझ्नुपर्छ। र जबजस्तो परिस्थिति हुन्छ, त्यसअनुसार टोलीको शक्तिहरू प्रयोग गर्नुपर्छ।
यहाँ एउटा कुरामा पनि ध्यान दिनुपर्छ। खरायो र कछुवा दुवै आफ्नो हारपछि निराश भएर बसेनन्, बरु उनीहरूले स्थितिलाई बुझ्ने प्रयास गरे र आफूलाई नयाँ चुनौतीको लागि तयार गरे। जहाँ खरायोले आफ्नो हारपछि अझ बढी मेहनत गर्यो, त्यहीँ कछुवाले आफ्नो हारलाई जीतमा बदल्नको लागि आफ्नो रणनीतिमा परिवर्तन गर्यो।
जब तपाईं कहिल्यै असफल हुनुहुन्छ, तब कि त अझ बढी मेहनत गर्नुहोस् वा आफ्नो रणनीतिमा परिवर्तन ल्याउनुहोस् वा दुवै गर्नुहोस्, तर कहिल्यै पनि हारलाई अन्तिम मानेर निराश नहुनुहोस्... ठूलोभन्दा ठूलो हारपछि पनि जीत हासिल गर्न सकिन्छ । 

श्रोत - सामाजिक सञ्जाल