" केरा: अमृत कि वि`ष ? कुन केरा खाने, कुन नखाने ? "

केरा, पौष्टिक तत्वले भरिएको र स्वास्थ्यका लागि लाभदायक मानिने फल हो। यसमा पोटासियम, फोलेट, कार्बोहाइड्रेट र ट्रिप्टोफ्यान जस्ता महत्वपूर्ण पोषक तत्वहरू पाइन्छन्। तर, के तपाईलाई थाहा छ ? कहिलेकाहीँ यही पौष्टिक केरा पनि स्वास्थ्यका लागि हानिकारक साबित हुन सक्छ। विशेषगरी, केराको पाक्ने प्रक्रिया र त्यसको अवस्थाले हाम्रो शरीरमा फरक-फरक असर पार्न सक्छ ।

धेरै पाकेको केरा: मीठो तर हानिकारक ?
स्वास्थ्य विज्ञहरूका अनुसार, धेरै पाकेको केराको सेवन स्वास्थ्यका लागि त्यति फाइदाजनक हुँदैन। जब केरा धेरै पाक्छ, यसको बोक्रामा कालो धब्बाहरू देखिन थाल्छन्। यस्तो केरामा स्टार्चको मात्रा कम हुन्छ, जुन चाँडै चिनीमा परिणत हुन्छ। एक अध्ययनअनुसार, धेरै पाकेको केरामा चिनीको मात्रा १७.४ ग्रामसम्म हुन्छ, जबकि हल्का पाकेको केरामा १४.४ ग्राम मात्र चिनी पाइन्छ।

धेरै पाकेको केरामा फाइबरको मात्रा पनि उल्लेखनीय रूपमा कम हुन्छ। जहाँ हल्का पाकेको केरामा ३.१ ग्राम फाइबर पाइन्छ, त्यहीं धेरै पाकेको केरामा १.९ ग्राम मात्र फाइबर हुन्छ। यसका साथै, धेरै पाकेको केरामा भिटामिन ए, भिटामिन बी६ र भिटामिन के जस्ता पोषक तत्वहरू पनि कम मात्रामा पाइन्छन्। यस्तो केराको नियमित सेवनले रगतमा ग्लुकोजको मात्रा बढाउन सक्ने जोखिम रहन्छ।

केराका विभिन्न रङ र स्वास्थ्यमा तिनीहरूको प्रभाव:
केराको रङले त्यसको पोषण मूल्य र स्वास्थ्यमा पार्ने प्रभावबारे महत्वपूर्ण जानकारी दिन्छ।
१. पहेँलो केरा: सबैभन्दा उत्तम विकल्प - सामान्यतया, पहेँलो रङको केरालाई स्वास्थ्यका लागि सबैभन्दा फाइदाजनक मानिन्छ। यस्तो केरा खैरो वा धेरै पाकेको केराभन्दा सुरक्षित हुन्छ र यसमा सबै प्रकारका पोषक तत्वहरू पूर्ण रूपमा उपलब्ध हुन्छन्। यसको स्वाद पनि सन्तुलित र मीठो हुन्छ।
 
२. हरियो केरा: तौल घटाउन चाहनेका लागि - हरियो केरा वा कम पाकेको केरा स्वास्थ्यका लागि निकै लाभदायक मानिन्छ। यसमा चिनीको मात्रा निकै कम हुन्छ, तर रेसिस्टेन्ट स्टार्चको मात्रा धेरै हुन्छ। रेसिस्टेन्ट स्टार्चले पाचन प्रक्रियालाई सुस्त बनाउँछ, जसले गर्दा लामो समयसम्म भोक लाग्दैन। यही कारणले गर्दा, तौल घटाउन चाहने व्यक्तिहरूका लागि हरियो केराको सेवन विशेषगरी उचित हुन्छ।

केरा एक पौष्टिक फल भए पनि यसको पाक्ने अवस्थाले यसको गुणस्तर र स्वास्थ्यमा पार्ने प्रभावलाई निर्धारण गर्छ। धेरै पाकेको केराको सट्टा पहेँलो वा हल्का हरियो केराको सेवन गर्नु स्वास्थ्यका लागि बढी उपयुक्त हुन्छ। सन्तुलित आहारको लागि, केराको सही छनोट महत्वपूर्ण हुन्छ।
श्रोत- सामाजिक सञ्जाल